Thursday, 6 December 2007

ഹിന്ദു...!

അത്രയേറെ സത്യമായതിനാല്‍മാത്രം പറയട്ടെ,
കണ്ണീരെന്‍ കണ്ണില്‍ ‍നിന്നു പെയ്യാന്‍ പോലുമാവാതെവറ്റിപ്പോകുന്നു.
തൊണ്‍ടയിലൊരു വിലാപത്തെ ഞാന്‍ മരിക്കാന്‍ വിടുന്നു.
ഹിന്ദു...!
ആരോ പതിച്ചു നല്‍കിയ പേരും പേറി,
രാഷ്ട്രീയം തുന്നിയുടുപ്പിച്ച കീറക്കുപ്പായവുമായ്
സദാചാര സാമൂഹ്യ രാക്ഷസന്മാരേച്ചു കെട്ടിയ ദംഷ്ട്രകളൂം തൂക്കി
ഇനിയും ചുരത്താനിത്തിരി മുലപ്പാലും കരുതി-
മൂകമെങ്കിലുമുള്‍തരിപ്പോടെയവള്‍ കാത്തിരിക്കുന്നു മക്കളെ,
അവള്‍ ഭാരതസംസ്കാരം...