Tuesday, 8 January 2008

ശല്യം.?!

ഈ ശങ്കര പുത്രന്‍ കുറേ നാളായി ഒപ്പം നടന്നു ശല്യം ചെയ്യുകയാണ്.ശല്യത്തിന്റെ മൂര്‍ദ്ധന്യത്തില്‍, ബോറടിയുടെ ആരംഭത്തില്‍, ഉച്ചയൂണും കഴിഞ്ഞിങ്ങനെ യിരിക്കുമ്പോള്‍ 'മൊഴിയില്‍' വിരലുകള് വെറുതേ ‍തിരുപ്പിടിക്കുന്നതിടയ്ക്ക് ശങ്കരനിങ്ങൂര്‍ന്നിറങ്ങി വിര‍ലുകളീലൂടെ.ക്ലൈമാക്സിലേയ്ക്കവനെന്നെയുംകൊണ്ട് നടക്കുന്നതിനിടയ്ക്ക് ആറുമണിയായതറിഞ്ഞില്ല.ഡ്രൈവാളി മിസ്കോളടിച്പ്പോള്‍ ശങ്കരന്റെ കൈ വിടുവിച്ചു ഞാനോടി. ഫിനിഷിങ്ങു മോശമായതിങ്ങനെയാണ് ക്ഷമിക്കുമല്ലോ.അവനവിടെ കുത്തിയിരുന്നു ചിണുങ്ങുകയാണ് ഒരു പാടിനിയും പറയാനുണ്ടെന്നു പറഞ്ഞ്. കേട്ടില്ലെന്നുനടിക്കാനെനിക്കാവുന്നത്രഞാന്‍ ശ്രമിക്കുന്നു. അതു വാവിട്ടൊരു നിലവിളിയായുയരുകയാണെങ്കിലൊരുപക്ഷേ കാവലാനു കേട്ടില്ലെന്നു നടിക്കാനാവില്ല. കാരണം
അവനിരുന്നു ചിണുങ്ങുന്നത് എന്റെ മനസ്സിന്റെ ഉമ്മറപ്പടിയിലിരുന്നുതന്നെയായതു കൊണ്ട്.അവനു പറയാനുള്ളതില്‍ ചിലതിലെല്ലാം എന്റെകൂടി ജീവിത ഗന്ധമുള്ളതുകൊണ്ട്.കുറേ ശങ്കരന്മാരിപ്പോഴും തെങ്ങിന്‍ മണ്ടയില്‍ത്തുടരുന്നതു കൊണ്ട്.ശങ്കരന്മാരെ തെങ്ങില്‍ മാത്രം പ്രതീക്ഷിക്കുന്ന ഒരു സമൂഹമിപ്പോഴുമുള്ളതുകൊണ്ട്,സദയം ക്ഷമിക്കൂ പ്രിയരേ