Monday, 30 June 2008

ഇടയിലെരിയുന്ന കനലുകള്‍.

ഒന്നുമില്ലെന്നു സമാധാനിക്കുമ്പോഴും
ഏതു കനലിന്റെ പൊട്ടലുകളാണുയരുന്നതുള്ളില്‍?
എത്ര വേനലുകളുണക്കിയെടുത്തവ,
എത്ര വര്‍ഷങ്ങളൊഴുക്കി ക്കളഞ്ഞവ!

എങ്കിലും ഏകാന്തതയുടെ
തണുത്ത നിമിഷങ്ങളില്‍
അവയിലൊരു കുഞ്ഞു കനല്‍ വീണു
തീ പടരുന്നു.

പിന്നെയും ബാക്കിയായ ചില ശേഷിപ്പുകളില്‍
പിറുപിറുത്തു കൊണ്ട് തീ പടരുന്നു.
ഉരുകാത്ത കട്ടിപ്പുറമ്പാളിക്കുള്ളിലായ്
വിങ്ങുന്ന ഹൃദയം തേങ്ങലൊതുക്കുന്നു.

മിഴിനീരിന്‍ പുഴയില്‍ നിമജ്ജനം കാത്ത്
ആ ശേഷിപ്പുകള്‍ മോക്ഷത്തിനായെന്റെ
നിഴലിന്റെ കൂടേ നടക്കുന്നു.